As fotos de Marcial Dorado con Feijóo seguen sen ser noticia

 

 

Martes 14 de maio. O presidente da Xunta, Alberto Núñez Feijóo, defendeu que o seu Goberno está a actuar con “toda a transparencia” no que respecta á relación da Administración galega con empresas vinculadas co narcotraficante Marcial Dourado e reafirmouse en que se facilitarán todos os datos que se demanden ao respecto, tras a publicación dunhas fotos súas co contrabandista realizadas nos 90.

http://www.elcorreogallego.es/galicia/ecg/feijoo-reitera-facilitara-toda-documentacion-contratos-dorado/idEdicion-2013-05-14/idNoticia-806591/

http://www.farodevigo.es/galicia/2013/05/14/sanidade-informara-parlamento-contratos-epoca-fotos-feijoo-dorado/809767.html

http://www.eldiario.es/politica/Feijoo-ocultar-contratos-empresas-Dorado_0_132287279.html

http://ccaa.elpais.com/ccaa/2013/05/13/galicia/1368472667_867704.html

Feijóo fixo estas declaracións aos xornalistas despois de que a Xunta rexistrase no Parlamento de Galicia unha solicitude para que un alto cargo de Sanidade compareza para explicar se a Consellería asinou contratos con empresas de Marcial Dourado entre os anos 1992 e 1998, etapa na que Feijóo era número dous deste departamento.

Na Galega non se informou destas declaracións. Para os xefes de redacción e os directores dos informativos as fotos de Dorado con Feijóo seguen ser noticia.

Falece un militar en Figueirido… e mutismo absoluto

 

O luns 13 de maio falece na base militar da Brilat en Figueirido (Pontevedra), o Cabo Pablo Ucha, ao parecer despois de face-los adestramentos como tódo-los días.

A noticia é difundida amplamente por varios medios de comunicación galegos.

http://www.farodevigo.es/portada-pontevedra/2013/05/14/muere-militar-brilat-concluir-entrenamiento/809897.html

http://www.lavozdegalicia.es/noticia/pontevedra/2013/05/13/muere-forma-subita-cabo-brilat-termino-sesion-deportiva-rutinaria/00031368455327564727282.htm

http://pontevedraviva.com/xeral/4781/falece-militar-brilat-durante-adestramento-deportivo-base-figueirido-pontevedra/

Sen embargo, os informativos da TVG non dan nada sobre o asunto. Sorprende, por canto se soe dar bastante cobertura aos sucesos, sucedan onde sucedan, e máxime sendo un falecemento destas características, nun campamento militar en Galicia.

Igual é porque, DESDE O PECHE DA DELEGACIÓN DA TVG EN PONTEVEDRA, non se cubren axeitadamente as informacións que se producen nesa cidade e na zona de influencia…

O escaso interés da desconfianza chinesa

Martes, 14 de maio: O presidente da Autoridade Portuaria, Enrique Losada, anuncia que a empresa chinesa Beijing 3E paraliza temporalmente o seu investimento en Punta Lagosteira (275 millóns de euros) por culpa da situación económica do país.

http://www.lavozdegalicia.es/noticia/coruna/2013/05/14/empresa-china-beijing-3e-paraliza-inversion-puerto-exterior-economia-espanola-repunte/0003_20130520130514123934313.htm

http://www.farodevigo.es/gran-vigo/2013/05/15/pemex-aplaza-instalacion-langosteira-china-beijing-3e-paraliza-inversion-millonaria/810363.html

http://www.elcorreogallego.es/galicia/ecg/beijing-3e-paraliza-momento-inversion-punta-langosteira/idEdicion-2013-05-14/idNoticia-806624/

A noticia, que está en todas as redaccións desde primeira hora, só aparece no Telexornal Serán (non máis de 30″). Ao día seguinte é portada en case todos os xonais galegos.

Contrasta coa cobertura que se lle dera un ano antes á noticia do desembarco desta empresa chinesa, con declaracións do propio Enrique Losada.

http://www.crtvg.es/informativos/o-desembarco-de-pemex-e-beijing-3e-no-porto-exterior-atraeria-investidores-e-xeraria-riqueza-e-emprego-336521

Na mesma xuntanza cos xornalistas deste martes, Losada anuncia que a petroleira mexicana Pemex dase un praza de catro anos para o inicio de operacións o porto exterior da Coruña. Tampouco se alude á noticia.

Sabotaxe de Anonymous en Pontevedra

 

A web do PP de Pontevedra foi obxecto dunha sabotaxe por parte dun «hacker» baixo a denominación de «Anonymous» #OPDesahucios, segundo informaron os populares. Unha imaxe coa careta do colectivo de ciberactivistas ilustraba dende a unha da tarde a web do partido xunto á fotografía do presidente local do partido e deputado no Congreso, Telmo Martín.

http://www.abc.es/local-galicia/20130514/abci-boikot-201305142153.html

http://ccaa.elpais.com/ccaa/2013/05/14/galicia/1368557940_271833.html

http://www.lavozdegalicia.es/noticia/pontevedra/2013/05/14/ataque-anonymus-web-pp-pontevedra/00031368544411589528560.htm

Na Galega non se ofreceu información sobre esta nova.

A TVG vai á concentración de Greenpeace en Muros… e non se da

 

O luns 13 de maio houbo na ría de Muros unha gran concentración marítima promovida por Greenpeace, para reclamar unha reforma da Política pesqueira común (PPC), que respecte a pesca sostible.

Participou o propio barco da organización ecoloxista, xunto con numerosas embarcacións de pesca da zona.

Coincidíu ademáis coa reunión en Bruxelas dos ministros de Pesca da Unión Europea, na que abordaron isa mesma reforma da PPC.

Moitos medios de comunicación trataron amplamente a noticia.

http://www.laopinioncoruna.es/gran-coruna/2013/05/13/barco-greenpeace-muros-apoyar-pesca-artesanal/721621.html

http://www.lavozdegalicia.es/noticia/barbanza/2013/05/14/cincuenta-barcos-sumaron-protesta-greenpeace-muros/0003_201305B14C3991.htm

http://www.elcorreogallego.es/galicia/ecg/barcos-artesanais-manifestanse-greenpeace-na-ria-muros-pedir-apoio-pesca-sostible/idEdicion-2013-05-13/idNoticia-806413/

http://praza.com/movementos-sociais/4446/mais-de-50-barcos-manifestanse-na-ria-de-muros-contra-a-politica-pesqueira-europea/

A TVG non deu absolutamente nada nos informativos. E PARA MAIOR VERGOÑA, mariñeiros que estiveron alí contan (moi indignados) que HABÍA UN EQUIPO DA TVG gravando imaxes e falando cos participantes.

Nin o Tx serán do día 13, nin o Bós días ou o Telexornal mediodía do día 14 deron un só segundo da concentración.

Ademáis de manipulación informativa, GASTO INÚTIL DE CARTOS E MEDIOS PÚBLICOS POLA MALA FE E/OU INCOMPETENCIA DOS RESPONSABLES DE INFORMATIVOS DA TELEVISIÓN DE GALICIA.