Arquivo por días: Abril 22, 2013

De Dorado nin un segundo

Publicado o por

feijoo_foto610x342

O presidente da Xunta fixo referencia o luns 22 de abril a publicación das fotos con Marcial Dorado en declaracións tras un almorzo informativo en Madrid. Unha información publicada pola axencia Europa Press ás 11:47 e que despois se recollía en edicións dixitais.

http://www.lavozdegalicia.es/noticia/galicia/2013/04/22/feijoo-denuncia-campana-contra-juez-encarcelo-dorado/00031366625944297401650.htm

http://politica.elpais.com/politica/2013/04/22/actualidad/1366629843_668210.html

Na TVG elaborouse unha información na que se incluían as declaracións de Feijóo chamando a unidade e pedindo o PSOE que se traballara polos intereses xerais.

Escándalos que non interesan

Publicado o por

portada

O diario El País publica o 22 de abril que o Partido Popular empregou empresas tapadeira antes do Gürtel para financiarse.

http://politica.elpais.com/politica/2013/04/21/actualidad/1366564587_226842.html

Tamén fala do patrimonio do ex-presidente da Deputación de Ourense, Xosé Luis Baltar, que fora do Partido Popular.

http://politica.elpais.com/politica/2013/04/21/actualidad/1366571205_520315.html

El Mundo publica que Luis Bárcenas, o ex tesoureiro do PP, pagou 10.000 euros ó mes a un dos homes fortes do partido, Álvarez Cascos, nos anos 94, 95 e 96.

el mundo pago bárcenas
De todo isto na Galega unha breve información que pouco pasa dos 30 segundos, na que non se fai referencia algunha ó ex presidente da Deputación de Ourense.

A maior manifestación das Preferentes en Galicia… pouco importa.

Publicado o por

117088-397-550

O sábado 20 de abril, celébrase en Vigo a maior manifestación en apoio aos afectados polas preferentes, de todas as que se teñen feito en Galicia, e das máis masivas en España.
Milleiros de persoas (entre 12.000 e 17.000) chegadas de toda a comunidade e mesmo doutros lugares de España colapsan durante varias horas a cidade. Así tratan a noticia algúns xornais…
A pesar da importancia da convocatoria (porque afecta a ducias de milleiros de familias galegas, e pola mesma asistencia e repercusión en Vigo), o Telexornal mediodía “solventa” o asunto en 22 segundos de imaxes nas que só aparece algún rótulo de “non á quita” e pouco máis…
CURIOSAMENTE, na marcha estiveron representantes do PSOE, do BNG e de AGE… pero non do PP… (ISO, POR SUPOSTO, TAMPOUCO SE DIXO !!!).

Rubalcaba fala dos billetes de 500 €… e Schez. Camacho carga contra o PSOE

Publicado o por

images

Telexornal mediodía do sábado 20 de abril. Emítense unhas declaracións de Alfredo Pérez Rubalcaba (secretario xeral do PSOE), nas que propón suprimir os billetes de 500 euros, para combater a fraude fiscal e para que a xente explique como os conseguíu…
           Despois desta información (insistimos, sobre a posible supresión dos billetes de 500 € PARA COMBATER A FRAUDE FISCAL), póñense outras declaracións da presidenta do PP en Cataluña !!! (Alicia Sánchez Camacho), falando de que o PSOE ten problemas internos… que Rubalcaba non pode ser líder da oposición porque non o queren no seu Partido… que se preocupa máis dos problemas internos ca dos dos españois…
            É dicir: a unha proposta sobre fraude fiscal do líder do PSOE contéstalle unha responsable autonómica do PP… e sacando todo completamente de contexto… só co afán de atacar a Rubalcaba e aos socialistas.

Os paraísos fiscais do histórico do PP Nené Barral

Publicado o por

a13c5f1

 

O xulgado de Cambados levantou o segredo de sumario nas investigacións que se seguen contra José Ramón “Nené” Barral, que fora durante moitos anos alcalde de Ribadumia polo PP (ata 2001 “peso pesado” no Partido e coñecido “mentor” do actual presidente da Deputación de Pontevedra, Rafael Louzán), por supostos delictos de blanqueo de diñeiro e desvío de dous millóns de dólares en paraísos fiscais.

          Nené Barral xa fora detido en 2001 acusado de liderar unha banda internacional de contrabando de tabaco, e que lle custou a alcaldía de Ribadumia cando militaba no PP. Aínda está pendente de celebración o xuizo.
          Os informativos da TVG, sempre tan coidadosos con tódolos escándalos e polémicas que xeran membros ou ex-membros do PP, NON OFRECEN ABSOLUTAMENTE NADA SOBRE O ASUNTO…

A obra pública segue caendo… e non existe na TVG

Publicado o por

ANA PASTOR AVANZA QUE SOLO SE PARARÁN OBRAS DEL AVE POR PROBLEMAS TÉCNICOS, NO ECONÓMICOS

 

O venres 19, un informe da Federación galega da construcción resalta que a obra pública caeu en 2012 por cuarto ano consecutivo (anos de goberno do PP), sendo o Estado o que máis investíu: o 85 % do total. A XUNTA SÓ ADXUDICOU UN 5 %, e as deputacións unicamente o 2’3 %.

 É un dato preocupante, que expón a situación de penuria económica e de recursos nas Administracións de Galicia. Varios xornais destácano.
 E outro detalle preocupante: só o 25 % da obra pública foi outorgada ás empresas galegas, cando en 2011 fora do 55 %.
 NINGÚN INFORMATIVO DA TVG alude a esta información, importante para coñecer que con ese descenso continuo da OBRA PÚBLICA en Galicia, paralízase o crecemento e non hai xeración de emprego.

Máis doutrina antiabortista

Publicado o por
A morte de Savita Halappanavar, falecida nun hospital irlandés despois de que os médicos se negasen a practicarlle un aborto, foi consecuencia dun “accidente médico”, segundo determinou un xulgado da localidade de Galway. A noticia chegou aos medios o venres pola tarde.

http://www.lavozdegalicia.es/noticia/internacional/2013/04/19/muere-mujer-irlanda-negaron-aborto/00031366383558238304452.htm

A nova non tivo oco nos telexornaiss, que só tres días antes, en cambio, contaran con todo luxo de detalles, o xuízo contra un médico abortista e culpable de asasinatos de naipelos nos EUA.
Tamén coa selección de novas se adoutrina nun asunto tan delicado como o aborto.