“Aborto, non” ou cómo adoutrinar desde a televisión pública (prégase a máxima difusión)

O 16 de abril nos informativos da TVG emitíuse un vídeo no que se daba conta dun xuízo contra un medico, que ten una clínica onde practica abortos, por 7  delitos de asasinato, por matar a naipelos e unha muller por sobredose de medicamentos.http://www.crtvg.es/informativos/xulgan-nos-estados-unidos-a-un-medico-por-asasinar-bebes-sobrevivintes-dos-abortos-a-termino-que-practicaba-568614

A información, que se emitiu no Telexornal a proposta dun redactor xefe que adoita buscar novas en páxinas e portais dixitais de carácter ultraconservador e ultracatólico,  é completamente parcial e demoniza a práctica do aborto, non só neste caso senón en xeral, empregando calificativos e imaxes que poden ferir a sensibilidade do espectador e sen antes avisar do contido explícito da información. Ademáis non se dan datos sobre os prazos legais nos que é lexítimo abortar neste caso concreto. O que se consegue é unha total confusión entre aborto e crime. Tamén se critica que os medios norteamericanos non se fixeran eco desta nova, silenciando este caso da que chaman “casa do terror”.

Evidentemente si o doutor Gosnell é culpable destes crimes debe ser xulgado e condenado, pero a sensación que queda despois de visionar este video é que o aborto é o mesmo que o asesinat, xogando a confundir a audiencia.

A fonte de referencia para esta noticia é Libertad Digital ou Forum Libertas, un portal ultraconservador, únicos sitios en España onde se reflicte esta nova.

http://www.libertaddigital.com/internacional/estados-unidos/2013-04-12/kermit-gosnell-el-asesino-en-serie-de-cien-recien-nacidos-1276487406/

http://www.forumlibertas.com/frontend/forumlibertas/noticia.php?id_noticia=26011&id_seccion=24

Tamén está noutros portais relacionados coa Igrexa Católica.http://www.laiglesiaenlaprensa.com/2013/04/caso-gosnell-cuando-la-prensa-mira-hacia-otro-lado.html

http://www.religionenlibertad.com/articulo.asp?idarticulo=13568

http://actualidadyanalisis.blogspot.com.es/2013/04/kermit-gosnell-el-medico-que-mataba.html

Non hai máis que leer o artigo e ver a información emitida na Galega para establecer a relacción.

Non existe ningunha referencia nas axencias de noticias no día 16, nin nacionais nin internacionais.

Sí existe un documental colgado na rede que ó parecer é de onde se baixaron as imaxes para elaborar a noticia.

A información, a máis longa do Telexornal dese día (1 minuto e 35 segundos) emítese o día despois das declaracións de Rouco Varela sobre o aborto. O presidente da Conferencia Episcopal reprochóulle ao Goberno de Rajoy a súa falta de dilixencia á hora de aprobar unha lei do aborto máis restritiva.

http://www.elperiodico.com/es/noticias/sociedad/rouco-urge-rajoy-reforme-leyes-aborto-matrimonio-2363877

O mesmo día, na audiencia do papa Francisco ao presidente do Goberno, o xefe da igrexa católica quixo deixarlle claro a Rajoy cales eran os puntos de fricción entre o Vaticano e España.

 http://www.lavozdegalicia.es/noticia/sociedad/2013/04/16/papa-rouco-presionan-rajoy/0003_201304G16P25991.htm

Desde este blog queremos denunciar o uso que se fai da televisión pública para adoutrinar en asuntos tan delicados como o aborto.