As distintas varas de medir

Domingo, 31 de marzo de 2013. O xornal El País publica unha ampla información sobre a “estreita amizade” que mantivo
nos anos 90 o presidente da Xunta, Alberto Núñez Feijóo, con Marcial Dorado, “entón capo do tabaco en Galicia e agora no cárcere por narcotráfico”. A información acompáñase con fotos onde aparecen xuntos os dous homes.

http://politica.elpais.com/politica/2013/03/30/actualidad/1364678135_744979.html

Ese mesmo día, no Telexornal ofrécese un único video onde se recollen as fotos publicadas por El País, as explicacións
do presidente Feijóo á Radio Galega e o comunicado do PP, sen ofrecer ningún dos detalles achegados polo xornal na súa
exclusiva. O video emítese ás 14:42 e ás 21:12, ben avanzados os Telexornais do día. Non se ofrecen reaccións dos distintos partidos políticos galegos.

http://www.crtvg.es/informativos/o-presidente-di-que-levaban-anos-ameazandoo-con-publicalas-558532

Luns, 1 de abril de 2013. O xornal La Razón publica que segundo un informe da UDEF (Unidade Central de Delincuencia
Económica e Fiscal) a obra do chalé do ex-ministro socialista Xosé Blanco “pagouna” o empresario José Antonio Orozco.

http://www.larazon.es/detalle_normal/noticias/1699319/la-udef-concluye-que-la-obra-del-chale-de-blan#.UV4R3aJFB8E

Esta información sí que merece un video con todo luxo de detalles nos dous Telexornais.

http://www.crtvg.es/informativos/la-razon-asegura-que-un-amigo-de-xose-blanco-lle-pagou-a-reforma-da-sua-casa-559236

Martes, 2 de abril de 2013. O xornal ABC denuncia que o secretario xeral de CC.OO., Ignacio Fernández Toxo, avalou ante notario a creación dunha asociación para o cobro de ERE.

http://www.abc.es/espana/20130402/abci-toxo-notario-201304012228.html

De novo, a noticia aparece destacada, desta volta, no telexornal
serán.

http://www.crtvg.es/informativos/o-secretario-xeral-de-cc-oo-avalou-supostamente-a-creacion-dunha-empresa-que-cobrou-ere-fraudulentos-559930

Mércores, 3 de abril de 2013 La Voz de Galicia destaca que
Feijóo chegou a ofrecer en 2003 a súa demisión polas fotos con
Marcial Dorado.

http://www.lavozdegalicia.es/noticia/politica/2013/04/03/feijoo-llego-ofrecer-2003-dimision-fotos-marcial-dorado/0003_201304G3P2991.htm

Desta volta, unha información de semellante calibre exclusiva dun xornal NON aparece nos Telexornais. Ese día omítense as reaccións de AGE e do BNG sobre a evolución do caso.

Ese día tampouco se recolle outra nova destacada nun xornal de tirada nacional como El Mundo: o concello de Madrid costeou 203 clases de golf para Aznar e os seus familiares. Nin rastro dela nos Telexornais.

Minimizan a resposta social aos desfiuzamentos

Luns, 18 de febreiro de 2013: Na Coruña prodúcese o intento de desafiuzamento de Aurelia Rey. Impideo unha enorme presión e apoio cidadán diante da mesma casa. Prodúcense graves incidentes, mesmo con agresións policiais a membros do BNG coruñés. Os propios bombeiros néganse a actuar, e un mesmo loce un cartel de “Stop desahucios”. No TX MEDIODÍA, a nova dase á media hora de iniciado o informativo, dun xeito completamente suave, sen citar incidentes nin dar referencia algunha á actitude dos bombeiros… Neses días, o PP (como agora) estaba especialmente empeñado en ignora-lo drama dos desafiuzamentos e as mobilizacións sociais contra eles.

http://www.crtvg.es/informativos/aprazan-por-unhas-horas-o-desafiuzamento-dunha-ancia-da-coruna-533549